重陽節歌謠內容介紹
重陽節歌謠一
菊花黃，黃種強;菊花香，黃種康;
九月九，飲菊酒，人共菊花醉重陽。
九月九，是重陽;放紙鷂，線愛長。
八月中秋哥送餅，九月重陽妹送鞋(仫佬族)
九月九風吹滿天哮。
重陽無雨一冬晴。
重陽節歌謠二
重陽節，又試話登高。究竟年年如是，有乜功勞?
雖則系如畫嘅秋山，游嚇亦好，做乜偏要向往重陽個日，至曉得風騷。
你話敢樣就可以避災，亦何不大早。點解你單身前往、又試剩落個的妻孥。
開講話一部通書，都唔睇得到老。況系個的區區陳跡，重駛乜咁心操。
既系你上日唔知，我亦唔怪得你去做。唉!慳嚇腳步，何苦去尋煩惱。
不若靜坐思量，想嚇邊一樣可圖。
重陽節歌謠三
九月九，個個都去登高，你睇個班嫩仔，走得氣嘈嘈。放起個只紙鷂在高處舞，扶漢聲聲(響弓聲)，喚起個的懦夫，總系企在個處風頭，須要努力正好。
雖有聲威，可惜你未滿羽毛，怕只怕失足云霄，個陣就遺恨萬古。咪估個條包索，可以把天箍，既替得個佬流災流難，邊處唔流到。唉!難把身世顧，只望得天憐憫，俾你有點功勞。
重陽節歌謠四
九月九，係重陽，登高人仔一雙雙。綠女紅男隨處咁蕩，你睇扯旗山下幾多女嬌娘。係咯呢陣男女平權民氣漸長，好似黃花晚節，你話幾咁馨香，止怕落帽龍山，年年咁混賬。
可惜只知尋樂，不記得國破家亡，罷咯等我趁此良辰，便把民族高唱，萬望大家齊醒，快把革命提倡。個陣掃盡胡兒除盡魍魎。唉，須要細想，避災係咁樣，古云匹夫有責，莫個自棄權強。